السلام عليكم إخواني أخواتي..
ولووو إني ما اشوف أحد بمنتداكم لكن هذا الموضوع يخص ديرتكم الجميلة ( جدعلي )
بالامس 10 /1/2010 يصادف يوم الاحد اتصلت بصديقي وأخي صالح وتواعدت معه على أن أزوره كالعادة عند المسجد.. جلسنا دقيقة عند المسجد ثم ذهبنا نتمشى للشارع حيث يوجد كافتيريا ما قرأت اسمها للأسف .. بس هي بجانب مركز جد علي للكهرباء .. بجوار المأتم وفيها (بلديات ، مصري ) صاحبنا صلووووح طلب 4 سندويش كبده بالجبن ولبى المصري الطلب وأخذنا ناكل صالح خلص السندويشه الاولى وراح بيبدأ في الثانية أخذ (نهشة) منها وإلا هي محروقة شفنا الثانية وإلا هي محروقة بعد بالذات في أسفل السندويشة زفّاه صالح وقال له بدل السندويش وهذا حرام ناكل محروق ما يجوز .. المهد هو بعد المصري أخذها وتعذر انه ما يدري عن حساب بيبدل السندويش .. شوي جاب السندويش إلا طلعت لنا المفاجأة أنه راح حط السندويشه (المنهوشة) مالت صالح داخل السندويشة الجديدة ، فتحناها وأخذنا نضحك وقلعنا المكان من الضحك وأحس المصري معصب والاستهزاء وصل حده في المصري . ناديته قلت له تعال انته كم سنة تشتغل في السندويش؟! قال عمره كله .. قلت له انته في عمرك شفت سندويشة مثل هذي؟! لما شافها قال لي : ( وفيها أيـــه ) ؟! باللهجة المصرية قال انه قصده الجبن يخليه بالسندويشة الجديدة .. يعني مستخسر يرمي الجبن ويحط جبن جديد قال ما لي إلا أحطه هو( بالرول) أخذنا نضحك عليه مرة ثانية وطحنا فيه تطنز لحد ما طلعنا . أترككم مع الصور.